إسبوع مر..ولاوصل منك مرسال؟؟

اسبوع مرّ .. ولا وصل منك مرسـال !!!
ياقوّ قلبك كيـف تقطعنـي اسبـوع؟


الجوع كافر ! وانـت ماترحـم الحـال
وانا عليك من الولـه ميـتً جـوع..



ياللي غيابك صعب يطري على البال !
تركتنـي ضايق .. وحاير .. ومفجـوع


ما كنـي الا : شايـبً فاقـد عـيـال
وما كنك الا : محرمً حـق مشـروع


يفز لك قلبـي ليـا مر [ لأطـــــلال ]
ياليت مالي قلـب يشتـاق ويفـوع ..


حسبي عليك شلون قطعـت الامـال ؟؟
بآموت لاصار الامل فيـك مقطـوع "

ياصاحبـي ماكـل نـزال رحــال ...
انت الحيّا من وين مارحـت متبـوع ..


نسيانـي لـزولً بالاعمـاق يختـال ..
اصعب علي صاحبك من حبة الكوع !!


لو الثمن في شوفتك عمـر رجـال ..
كان الثمن من يوم ماغابت مدفـوع ..


ولو القدر ما تـم قولـه ليـا قـال :
ماضاق صدر ولا انحنى راس مرفوع "


ياصاحبي عشقتنـي فعـل وخصـال ...
وانا عشقتك شعر واحساس واطبوع ..


وشلون تتركني كذا لاشهـب الـلال ؟؟
وقدام عيني تجـف ينبوع .. ينبوع


وانا عشانك جيـت والغيـم همـال...
اسيّـل الوديان...واداحـم جـمـوع


ماردنـي عنـك سواليـف عــذال"
تزعل علـي ربوع..وتقـدّر ربـوع


كان المهم اعيشك جنـون ووصـال ..
ويكون لي كلمة ولي راي مسمـوع ..


واليوم{ضـــــــاقــــــت}بي من الجال للجـال ..
فرقاك تقصم ظهر..وتحز..وتلـوع


لو جيت شفت الحال ماسرك الحـال..
في غيبتك ضايق..وحاير..ومفجـوع


هذا غياب اسبوع وشلون لـو طـال .؟!
طالبك لايطول غيابك عـن أســــــبــــــوع

تحيآآآتي ..

روعه
تسلمين حبيبتي

روعه

لاهنتي

مشكوره

يعطيج العافيه

العفو وشاكره مروركم