قلت بصراحه كل مافيج جـــذاب ...

قالت لي شو أكثر شي يعجبك فيني

قلت بصراحه كل ما فيج جذاب
اسمج ورسمج والشعر والجبيني
و عيونج و صوتج وخدج والاهداب
قالت تبالغ قلت لا .. صدقيني
ترى وصوفج ما بها شي ينعاب
ما كنج الا الليل للعاشقيني
و ما كنج الا الوصل ما بين الاقراب
كلج على بعضج جذا تعجبيني
و فى كل يوم فيج يزداد الاعجاب
وكيف مدري بس ذا شوف عيني
و العين ماتنلام فى وصف الاحباب
اجمل من النسرين والياسمينى
و أصدق من احساس الوفا بين الاصحاب
الله شو ها الزين يا نور عيني
حتى القمر يلومج طلعتي معه غاب
يا كثر ما انتي بالغلا تملكيني
و يا كثر ماني فى شراينج انساب
و ياكثر ما جمعت لج فى يديني
ورد الجنان اللى على وجنتج ذاب
يا شمس عمري يا دفاي وحنيني
جيتج حروف الحب وعيونج كتاب
بالحيل احبج يا رجاوج سنيني
وحبج فتح للعاطفه كل الابواب
احساسي الصادق معج يحتويني
و احساسي لغيرج من الناس كذاب
عمر الغرام ان طال بينج وبيني
لا تسأليني يوم عن سر الاعجاب
]

روعه X روعه

ثااااااااااااااااانكس

يعطيك العافيه

يحفظك ربي

=)

الله يعافيج يا قلب العنا

+

شكرا + شكرا

+

تسلمين على المرور الطيب