المشاعر والاحساس

البارحه يوم انقطع حس الاوناس #سرى الونيس من الونيس النعاسي
فزيت مثل اللي مقزيه هوجاس# متعرضه ظرف من الوقت قاسي
وشبيت في غمراً عروقه بالاطعاس# مقطع عروقه ماتجيها التكاسي
ماياصله غير اشهباً يمرس امراس# امراس ذيباً سامعله حساسي
واخرت من جمره وقدمت محماس# وبيضاً خوات الا بحجم المقاسي
وسويت لي بريتاً تسمر الراس# فنجالها يجلا الكدر والعماسي
واخذت مع ميدان الافكار مرواس# عن واحدا مايستحق التناسي
خلاً تفيض إله المشاعر والاحساس# عليه بالكبد الطريه يباسي
عليه قلبي صايرن فيه وسواس# عقب السعاده طوقته المأسي
الهم والهوجاس والحزن واليأس# طوى حشايه طي سلك النحاسي