على نفس الطريق الي مشوا به قبلي العشاق
..مشيت أسابق الخطوه وأمني القلب باحبابه
أنا أدري أن هالدنيا طبيعتها لقا وفراق
..ظروف الناس فيها في كثير احيان تتشابه
ولكن من يصبرني على جور الزمان العاق
..جروحي هي وآلامي وتعذيبي من أسبابه
حبيبي كلما همتني الدنيا وصدري ضاق
..تذكرتك لقيت الكون أوسع وأكثررحابه
فرحت وقلت لابد من نهايه للفراق الشاق
..ومات الياس من كبر الأمل لي صرت أناأحيابه
حبيب الروح كل مالاح لي من يمكم براق
..خفق قلبي وحسيت ان شوقي والغلا ذابه
عللي حبك ينازعني قصيدي واسأل الأوراق
..لك الله ما بقى دفتر خلي من شعر وكتابه
وهذي حالة المغرم إذاهامت به الأشواق
..يدور له على من يبلغ المحبوب باعجابه
حبيبي وان تفارقنا غرامك يسكن الأعماق
..ولكن لي سؤال ينتظر من عندك اجابه
بربك هل مثل ما شتاق لك يا سيدي تشتاق
..إذا جبت بنعم ولا خسارة عمر عشنابه
