السالفة وما فيها أبي خمس دقايق من وقتك الغالي يا غاليين..
وإذا ما عندك وقت خلاص قفل الموضوع، ومتى ما فضيت إقراها، وإنت هادي ورايق،
ومركز زين زين.
أرجوك تقرا هذي الرسالة إلى الأخير. وتأكد إنك إنت المستفيد وراح تحس براحة رهيبة..
شوف عزيزي أو عزيزتي:
أكيد إنك شايف الناس هالأيام كيف قاعدين يسعون ويتفنون في طلب الرزق.
هذا راح ياخذ قرض ودخل بالأسهم وهذاك طول يومه بمعارض السيارات،
وهذاك طاحت عيونه من كثر درس وسهر وتعلم.
وهذا ماعاد شاف أهله من كثر ما يدور على تجاره.. و و و و و
وبصراحة ما أحد يلومهم، الكل يبي رزقه يكثر وينبسط بحياته..
بس فيه شغله ناس كثير جداً جداً ما فكروا فيها،، حتى أكبر العقليات الإستثمارية،
ما جت على بالهم إلا من رحم ربي..
يقول الله سبحانه وتعالى:
(فقلت استغفروا ربكم إنه كان غفاراً * يرسل السماء عليكم مدراراً * ويمددكم بأموال وبنين ويجعل لكم جنات ويجعل لكم أنهاراً)
الإستغفار: ياناس يا عالم.
الإستغفار سبب رئيسي لأشياء حلوة في حياتنا..
أشياء ياما وياما تمنيناها..
من فينا ما يحب المطر؟
من فينا ما يحب المال؟
من فينا ما يحب يكون عنده أولاد وبنات؟
من فينا ما يحب يعيش بوسط جنات وأنهار في الحياة الدنيا؟
هذي كلها أشياء خيالية.. من جد خيالية.. وماهي صعبه ولا مستحيلة على رب العالمين سبحانه.
الله قادر إنه يحققها لنا بس إذا حققنا المطلوب منا..
وش المطلوب منا..؟
شي واحد وبس .. ولا أسهل منه ..
الاستغفار والإكثار منه .. طيب والنتيجة..
أنا أقولك النتيجة..
النتيجة عسى ربي يحفظك ويسلمك إن الإستغفار سبب في نزول المطر بإذن الله..
وسبب في زيادة الرزق وبالعربي زيادة المال..
وسبب في إن الواحد منا يرزق بالذرية الصالحة إن شاء الله (البنين)
وسبب في تحول أراضينا إلى جنات وأنهار..
وهذا مو كلامي ولا كلام الشيخ فلان..
لا هذا كلام الله سبحانه وتعالى..
الله الله في الإكثار من الإستغفار..
( أستغفر الله الذي لا إله إلا هو الحي القيوم وأتوب إليه )
أسأل الله العظيم رب العرش الكريم بأسمائه الحسنى وصفاته العلى،
أن يجعلني وإياك من أهل الجنة..
...آمــــــــــيــــــــن
