روض الابداع

روض الابداع
 
الرئيسيةالبوابةمكتبة الصورالتسجيلاعلانات الموقع دخول

شاطر | 
 

 مسجات قويهـ

اذهب الى الأسفل 
كاتب الموضوعرسالة
غلا القلب
vip
vip
avatar

انثى
•} المشـآركـآت ~ : 598
•} العمر ~ : 27
•} تقييـمي ~ : 7642

مُساهمةموضوع: مسجات قويهـ   السبت يونيو 07, 2008 11:09 pm

السلام عليكم ورحمة الله



صدقني مابقت للحب قيمه ؟
الهجر شل الوفا وأصبح مكــــــــــانه...؟؟؟
الحب كنه طفله يتيمه ؟
مــات أبوهاوأحرموها من حنانه..
صدقيني قصتي قصه إليمه
البري مظلوم والقاضي أدانه..
الاحاسيس أختفت وأمست عديمه
في الحبه كــــــل شيء وله زمـــــــانه....

®®®®®®

عهدن على ذكرى الألم والمهانه,,
لآخذ بثار دموعنا يا خفوقي..
جرحن بجرح وكل خيانه بخيانه..
حقي,, وجرحي له من ابسط حقوقي..

®®®®®®

تشوف رقمي على الشاشه وتسفهني..
وغيرك تمنى اتصالي بالشهر مره..
والله لآخذ بثاري وانت عارفني..
من ضرني..ما اتسامح عنه واضره..
وان كان قصدك بتنطيشك تعاندني..
الله يعينك على فرقاي من بكره..

®®®®®®

نعم خسرتك ولكن في حد معقول..
وخسارتي ماهي خسارة كرامه..
وكوني خسرت الحب بالعرض بالطول..
ما يعني اني خسرت الكرامه..
والحمدلله كمل الخلق بعقول..
ماضاق صدري من زعلك وخصامه..

®®®®®®

شفت منهو تحبه ...صد من -دونك-
إقرا علية الفاتحة وريح -أعصابك-
قلة ترى الشمس ماوقفت على -كونك-
يجيب غيرك أكيد الوقت اللي -جابك-
حرام لا صد تسهر لجله -عيونك-
لا ...عاش منهو لجور الوقت -ضحى بك-

®®®®®®

أبي قلبك يحس انه فقد بمحبته انسان
ملكته من هدب عين وخسرت رضاه باهمالك
صحيح ان الفراق اقسى ولكن الوصال محال
أنا صعبن علي أرضي غرورك واضعف قبالك
بعد ماحققت عيني فبعدك للرقاد امال
أعود للسهر؟ ياخوي لاوالله فال الله ولا فالك

®®®®®®

خلك مع اللـــــي ..
بالكذب يعطيـــــك ..
وانا ترى بلقا ملايين تسواك
لاتحسبنــــــــي ..
برخص النفس واجيك ..
مااذل نفسي لمثلك وشرواك
يحرم علـــــــي ..
وصلك وقربك ولااجيك
عيديــــن وثالثهم يوم فرقـاك



®®®®®®

لوكثرت جروحي فلاني بمكسور,,,
انا اكسر اللي قالـ انه كسرني,,,
ماهوحكي زايف ولاكبر وغرور,,,
انا في عزتي اقهر اللي قهرني,,,
ترى الوقت ياصاحبي دايمـ يدور
ولابد مايندمـ((غشيمن خسرني))

®®®®®®

سامحيني واعذريني ما بقى لك شي عندي
في أمان الله روحـــي ربـي يسهل دروبك
شيلي حزنك و الفرح ولعالم النسيان شدي
بصراحة أعترف لك ابتدى فيني غروبك

®®®®®®

كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...

®®®®®®

تمنيت ارحل لعالم عليه الفاتحه تقرأ ..
ورفض موتي يواجهني بوجه القادم المخفي ..
فهل شفتوا جسد ميت رفض يستقبله قبره ؟!!
انا هذي معاناتي واظن اللي مضى يكفي ...

®®®®®®

نسيتك قالها قلب يعاني
لحظه السكرات .!.
وعلى نعش الهوى
كلمه نسيتك من شراييني .!.
خلاص مرحومي شيعته
صدمني واندفن بسكات .!.
تقبلت التعازي وانت
ولا فكرت تعزيني .!.

®®®®®®

تهددني في الرحيل هددني
مردك لي صدقني
لا تقول البديل اتحداك تبدلني
هو قلب واحد
هو احساس واحد
هو انا وبس انا تعشقني
ولو الف غيري
مردك لي يا طيري
عرفت ليش لأنك انت تحبني
ولا يمكن تخليني

®®®®®®

أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره

®®®®®®

بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي

®®®®®®

ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحا الارض وخلا هالسماء
زرقا لعلمك كيف تندم يوم تهجرني

®®®®®®

وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك ومشكور

®®®®®®

لو تباعدنا غدا الكون الكبير
شارع مظلم وتبكيه البيوت
جائز الوضع من بعدك خطير
وجائز إن الهم في صدري يفوت
بس شي واحد محال إنه يصير
ما أذل النفس لجلك لو تموت

®®®®®®

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

®®®®®®

وينها ياصبر مالي غيرها لو هي تخون
شف دفاها في ضلوعي نبضها حولي يحوم
قلت وعيوني تكابر دمعها يرثي الجفون
ليتني ياحب ميت قبل ما قلبك يروم
من صغر سني أعاني وما بقى للصبر عون
رح لها ياحبي يمكن قلبها يصبح رحوم

®®®®®®

إذا في يوم نبهك الضمير وهاجسك صحاك
وحسيت بألم فرقا ولا تقوى طواريها
وإذا في يوم حنيت لهوى الماضي ولا خلاك
زمان تطوي أيامه ولا تدري بتاليها
تذكر واحد مهموم من ياسه ومن رجواك
فلا هو يائس ينسى ولا الرجوى يخليها

®®®®®®

يا صاحبي هانت عليك المحبه
لا واحسايف عقب هاك المواثيق
جمر الغضا في وسط قلبي تشبه
نارٍ حطبها يابسات المعاليق
كاسٍ مليته بالوفا لا تكبه
خله يبلل بالوصل يابس الريق
صبه بقلبي ثم مله وصبه
وان كان ودك غرق القلب تغريق

®®®®®®

تعبت أدور بين كل المظاهر
حبٍ .. ولكن .. كل حبٍ بلا لون
تعبت اصدّق والخديعة تجاهر
والصدق .. ميّت بالحقيقة ومدفون
تعبت أنادي .. كنّ حولي مقابر
أصرخ وصوتي .. بالصدى يجرح الكون
أجي غريبة .. وارجع بكسر خاطر
أجي وأعوّد .. خافقي كله طعون

®®®®®®

ياما تمنيتك بونات ودموع
ويا ما سهرت وراح عمري برجواك
بكيت من فرقاك والقلب مفجوع
ويا ليت قلبي حذرن قبل يهواك
ومشيت في درب طويل ومقطوع
وخلليت روحي غارقه وسط دنياك
كنت احسب أن الوقت يمشي لي بطوع
وأثر سلاح الوقت والحب فتاك

®®®®®®

بلا ميعاد :
بالصدفه تلاقينا - سهرنا
الليل - ومشينا دون ماندري
وبالآخر:
نسينا الحب حسبنا إن
الهوى كله خداع وزيف
وخطوه مالها داعي
عرفت إن الحياه اللي
بدونك تساوي موت
وتمنيتك تجي وتشوف
نهايه شوفة الصدفه..

®®®®®®

ماهو بكيفك ياهوى البال تجفا
الموت بيد الله بس ماقدر اخليك
والجرح جرحي وأعرفه ماراح يشفا
بيضل ينزف ينتظر لمسه أيدك
انا راضي بالشهر يوم تصفا
بظلبك لارووح وانا خاطري فيك

®®®®®®

ياولد طبعي ماترجى مقفين
من صد عني حالف ماترجاه
ننسى هوى من لايبينا محبين
ننسى غلاه وباقي الود نمحاه
ننسى هوى من باق عهد المحبين
ناقض عهود الحب لابد ننساه
نعلن جفاه ومن غرامه متبرين
فراق حبه عزة النفس ورضاه

®®®®®®

تذكر صاحبك وارجع تقرب له ولوبالصـــوت
على آخر نفس واقـف تجي ولا يجي له المـــوت
وأشوف الموت أحرص منك
وأشوف إنك تبي موتــــه
وأخاف إنك بعد موته تحن وتفتح التابـــوت
وأخاف من القهر يقفل في وجهك باب التابــــوت

®®®®®®

تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيه
محبة ما أبي منك محبة لو تجي برضاك
أبلعنها وبلعن كل شخص لي يطريها

®®®®®®

والله لو تبعد فلاهمني رضاك
واسمع كلامي زين دام انت هادي
ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي

®®®®®®

تحسبني ميت عليك؟
صدقني تراك غلطان..
احبك انا قلتها صحيح!
بس ترا وش كثرها بهاالزمان..
هي كلمه زيها زي غيرها عند الناس صارت دايم تنقال..
اي نعم مني سمعتها!
بس تراني مااعتبرها الا زلة
لســـــان!!!

®®®®®®

شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب اني ارتجي من نساني
ما جيت ابي منك محبه وتقدير
حتى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني

®®®®®®

منت أول ولا آخر خساراتي
واللي خسرته وراسي لآخذ أرباحه
خسران
ربحان
ماأراجع حساباتي
ياخي انا مشتري في دنيتي الراحه
وكاني خسرت الغلا
باسباب زلاتي
**((ترى آدم خسر جنته باسباب تفاحه))*

®®®®®®

((لحظة))..!!
قبل لاتطلب.. البعد..
و تغيــــــــــــــــــب....!!
و تنهي معي مرحله من حياتك..
((روح)) و اترك.. بقلبي.. لك..
اربع معازيب..
معزتــك..
طاريــــــك..
حبـــــــــــــك..
غلاتــــــــــــــــك..
و ان شفنتني.. آجمع شتاتي.. ماهو.. عيب..!!
بااااااااكر.. مع الايام..((تجمــــع شتاتــــــك))..!!

®®®®®®

هذي اخرتها.. معاك..؟؟
رميت ((حبي)) و راااااااااك..؟؟
قلب عطاك الوفا.. مجنوووووون.. لو مانساك..
حلااااال فيك ((العذااااب))..ذووق مر الغياب..
مداااااااام حبك.. ((سرااااااب)) شلفايدة من هواك..!!؟
(((قلب عطاك الوفا)) مجنوووون لو مانساك...

®®®®®®

خلقت لي شموخ وهامه
ماطالها طويلين الانفاس
وكونت لي عرش رفيع مقامه
مايوصله جن ولا يوصله ناس
ورفعت نفسي فوق هام الغمامه
اشوف زلات البشر وارفع الراس
واليوم كلن خصني بإحترامه
واللي معاديني بالاقدام ينداس

®®®®®®

آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحن جيت تقول انسى عشاني
جابك زمانك خلك اليوم
(ما أبيــــــــك)..

®®®®®®


اذا طلع لك قلب وعرف تشتاق
تعال دورني تلقاني مكاني
وان كان قلبك نايم ما بعد فاق
خله الين يفوق مع جرح ثاني
ابشرك ما عاد يوجعني فراق
واقسى وجع فيني يزول بثواني

®®®®®®

خطاي اني منحت الحب شخص وقابله بنكران
طمعت احسب طمع قلبي بحبك يكسب ارباحه
وعرفت انه ما تورثته من ابوي آدم طمع انسان
خسر ملك جنان وراحته باسباب تفاحه

®®®®®®

الورد يذبل لي يبس منه العود
والماي لو عندي انا ما سقيتك
صحيح حبيتك على قدر محدود
وسر الخوافي في ضميري عطيتك
غشيم كنت احسبك تحفظ سدود


®®®®®®

تسأل علي يا خاين الحب والملح
تبي تشوف حالي بلياك
هذا انا متوسد الهم والجرح
احاول انسى ماضي الحب وانساك
جيت ببرودك تعتذر تطلب الصلح
لك عين تنطق اسمي شفااااك؟!
:shock:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روعة احساس
مساع ـدة الم ــــدير
avatar

انثى
•} المشـآركـآت ~ : 674
•} العمر ~ : 23
•} البلد ~ : بيــن ّ ξــيوٍنـڪ ™~
•} تقييـمي ~ : 8455

مُساهمةموضوع: رد: مسجات قويهـ   الأحد يونيو 08, 2008 12:51 pm


________ توقيعي _________



تــســلم فصوول .. ^^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غلا القلب
vip
vip
avatar

انثى
•} المشـآركـآت ~ : 598
•} العمر ~ : 27
•} تقييـمي ~ : 7642

مُساهمةموضوع: رد: مسجات قويهـ   الأحد يونيو 08, 2008 5:35 pm

يسلموو على المرور الغااوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روض الابدآع
Galb.al3na
Galb.al3na
avatar

انثى
•} المشـآركـآت ~ : 1751
•} العمر ~ : 27
•} البلد ~ : الامارات
•} تقييـمي ~ : 11098

مُساهمةموضوع: رد: مسجات قويهـ   الأحد يونيو 08, 2008 7:22 pm

××

مشكوره الغاليه عـ الطرح

يعطيج الف عافيه

ونتمنى تكثرين من مواضيعج الحلوه

Wink See You

الاداره { روض القلب ~

××

________ توقيعي _________
رُسـاآلــه لمن يقلدنــاآ :
[ معنى الابداع, صنع الشيء المستحيل ونحن نصنع المستحيل ..|| المقلدين|| خلفنا دآئما ]
من{ قلدنآ } أكد لنآ بأننآ الأفضل } . . * ~
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://r--alabda3.banouta.net
غلا القلب
vip
vip
avatar

انثى
•} المشـآركـآت ~ : 598
•} العمر ~ : 27
•} تقييـمي ~ : 7642

مُساهمةموضوع: رد: مسجات قويهـ   الأحد يونيو 08, 2008 9:41 pm

يسلموو على المروور الغااوي ^_^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
βё Ćo0ol
مساع ـدة الم ــــدير


انثى
•} المشـآركـآت ~ : 713
•} العمر ~ : 28
•} تقييـمي ~ : 8568

مُساهمةموضوع: رد: مسجات قويهـ   الأربعاء يونيو 11, 2008 8:39 am

قوية



يسلمووووووو ع المسجات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غلا القلب
vip
vip
avatar

انثى
•} المشـآركـآت ~ : 598
•} العمر ~ : 27
•} تقييـمي ~ : 7642

مُساهمةموضوع: رد: مسجات قويهـ   الأربعاء يونيو 11, 2008 7:16 pm

يسلمووو على المروور الغااوي ^^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مسجات قويهـ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
روض الابداع :: •} رﯙض الابــدا۶« мσъίĻεs-
انتقل الى: